சமாதானக் கையூட்டு

ஐ.தே.க

நீண்ட காலத்தின் பின்னர்

நினைவூட்டப்படுகிறது இப்பெயர்...

வரத் தொடங்கியிருக்கும்

தேர்தல் முடிவு குறுஞ்செய்திகளில்

ஆச்சரியமாய்த் தொங்குகின்றது

எதிர்க்கட்சி ஜனநாயகம்...

விஜயம்

முப்பத்திரண்டு பற்களையும்

காட்டியவாறு வந்திறங்குவீர்கள்.

உங்களுடன் குலுக்குவதற்கு

கைகளில்லாதவனின் மனம்

இப்படியும் உங்களை சபிக்கலாம்...

"என்னையும் சேர்த்து கொல்வதற்கு

ஏன் மறந்தீர்கள்...?"

சமாதானம்

உன்னைத் தேடிக் களைத்துப் போனார்கள்.

அதனால் தான்,

நீ வருவாயென்ற நம்பிக்கையை விட

கையூட்டுக் கொடுத்தாவது வர வைக்கின்றார்கள்.

ஒபாமாவுக்கு நோபல் பரிசு...!!!

Couple Package

இன்னமும் என் தொலைபேசியில்

இரு வருடங்களுக்கு முன்னைய உன் SMS.

பார்த்தாயா...?

இரு வருடமாய் எனக்கு நீ SMS அனுப்பவில்லை.

எங்கள் Couple Package இற்கு இன்றுடன் இரு வருடங்கள்....!!!