நாடு கடந்த அத்திவாரம்

எங்களிடம் அழகான வீடொன்று இருந்தது
உயிரை விலை கொடுத்து கட்டி வைத்தோம்!!!
புயல் பல தீண்டியும் புழுதி வாரி இறைத்தும்
அழகு குன்றாது அது நிமிர்ந்து நின்றது...!
ஆனால்,
நேற்று அடித்த புயல் அதைக் கொன்று போனது
அத்திவாரத்தையும் ஆட்டி வைத்தது,.
இன்று...
மீண்டும் அந்த வீட்டுக்கனவுடன்...
வட்டுக்கோட்டையில் கூரை...
நாடு கடந்து அத்திவாரம்...
தாயகத்தில் க(கூ)ட்டமைப்பு...
இவையெல்லாம்
ஒரு புள்ளியில் சந்திக்காதவரை
விழலுக்கு நீர் பாய்ச்சுகின்றோம்...!!!